Дорноговь аймгийн Хатанбулаг сумын Хойд жаргалант гэх газар иргэн А энэ сарын 1-нд мотоциклоор малдаа яваад сураггүй болсон тухай дуудлагыг энэ сарын 7-нд Онцгой байдлын газар хүлээн авсан байна. Тус аймгийн Онцгой байдлын газрын Гал түймэр унтраах, аврах 33 дугаар ангийн алба хаагчид, тус сумын Засаг даргын Тамгын газрын ажилтнууд 240 км зам туулж, иргэн А 33 настай эрэгтэй эрэн хайх ажиллагааг Хойд жаргалант нууранд завьтайгаар металл хайгч бусад тусгай багаж хэрэгслийг ашиглан зохион байгуулжээ. Тухайн иргэнийг гэрээс нь хойд зүгт нэг км зайд байх Хойд жаргалант нуурын усанд осолдсон байж магадгүй гэсэн мэдээллийг ар гэрийнхэн нь өгсөн байна.