Хорват Улсын Загреб хотноо явагдаж буй насанд хүрэгчдийн чөлөөт бөхийн ДАШТ-ий тав дахь өдөр эмэгтэйчүүдийн 53 кг-ын жинд Азийн аварга шалгаруулах тэмцээний мөнгөн медальт, ОУХМ Цогт-Очирын Намуунцэцэг, 62 кг-д дэлхийн аварга, МУГТ Пүрэвдоржийн Орхон, 68 кг-д ДАШТ-ий мөнгөн медальт, Азийн наадмын хүрэл медальт, ОУХМ Энхсайханы Дэлгэрмаа, 72 кг-ын жинд Ази тивийн аварга, ОУХМ  Зоригтын Болортунгалаг нар хүч сорих болно.

     Мөн 50 кг-ын жинд ОУХМ Б.Мөнхнар, 65 кг-д ОУХМ Т.Энхжин нар дэлхийн аваргын хүрэл медалийн төлөө барилдана. Дагах болон урьдчилсан шатны барилдаанууд 16:30 цагаас эхлэх хуваарьтай байна.