Хан-Уул дүүрэгт 640 хүүхдийн суудалтай сургууль ашиглалтад орлоо. Нийслэлийн төсвийн хөрөнгө оруулалтаар баригдсан тус сургуулийн барилга нь нийт 17382.0 ам.метр талбай бүхий зоорьтой, гурван давхар, хоёр блок барилга юм. Түүнчлэн спорт заал, урлагийн заал, хичээлийн анги танхимууд, багш нарын өрөө, эмчийн өрөө, ажилчдын амралтын өрөө болон бусад өрөө тасалгаанаас бүрдсэн зохион байгуулалттай.