Чөлөөт бөхийн дэлхийн аварга шалгаруулах тэмцээний эмэгтэйчүүдийн 59 кг-ын жинд барилдсан ОУХМ Тогтохын Алтжин өнөөдөр есдүгээр сарын 16-ны орой хүрэл медалийн төлөө барилдахаар боллоо. Тэрбээр ДАШТ-ий хагас шигшээд Японы бөх, энэ оны Ази тивийн аварга, “U20” насны дэлхийн хошой аварга Сакура Онишид ялагдав.  Өнөөдөр Т.Алтжин Узбекистаны Л.Собирова, Дэлхийн бөхийн нэгдсэн холбооны нэр дээр барилдаж буй орос бөх А.Сиделникова нарын хэн ялсантай хүрэл медалийн төлөө өрсөлдөх болно.