“Загреб-2025” чөлөөт бөхийн ДАШТ-ий эрэгтэйчүүдийн 79 кг-ын жинд ОУХМ О.Сүлдхүү шагналт 5-р байр эзэллээ. Тэрбээр хүрэл медалийн төлөөх барилдаанд Бахрейний нэр дээр барилдаж буй Оросын дагестан бөх, Азийн аваргын мөнгө, хүрэл медальт Хидир Сайпудиновт 9:2-оор дийлдэв.

     Онооны харьцаа 2:2 болон тэнцэж, сүүлийн оноог авснаараа Бахрейны бөх тэргүүлж байх үед О.Сүлдхүү өрсөлдөгчөө дэвжээний захад шахаж гаргахаар хөөж яваад цаг дуусухаас арав гаруйхан секундын өмнө хариу мэхэнд орж, бүхэл дөрвөн оноо алдсан нь энэ барилдааны хувь заяаг шийдсэн юм. Ингэснээр О.Сүлдхүү сүүлийн хоёр жил дараалан ДАШТ-ий медалийн төлөө барилдаж, 5-р байр эзэлж байна.