Англи Улсын Ливерпүүл хотноо 2025 оны есдүгээр сарын 4–14-ний өдрүүдэд болсон боксын насанд хүрэгчдийн дэлхийн аварга шалгаруулах тэмцээнээс “Алдар” спорт хорооны боксчин Алдархишигийн Баттулга эрэгтэйчүүдийн 50 кг-ын жинд амжилттай оролцож мөнгөн медалийг эх орондоо авчирлаа.

    Тэрбээр финалын шатанд Казахстаны туршлагатай боксчин Санжар Ташкенбойтой тулалдаж мөнгөн медаль хүртэв. Анхныхаа дэлхийн аваргад хүч үзсэн залуу боксчин ийнхүү Монголын боксын түүхэнд шинэ өнгө төрхийг авчирлаа.