Баянхонгор аймагт шатрын улсын аварга шалгаруулах  тэмцээн үргэлжилж байна. Шатрын УАШТ-д  Бат-Эрдэнийн Мөнгөнзул аварга болох тодорхой боллоо. Тэрбээр Х.Баясгаланг хожсоноор есөн оноотой болж, нэг тойргийн өмнө аваргын болзлоо хангалаа.

    Үндэсний шигшээ баг болон “Гэгээн-Арвай” клубийн тамирчин, 20 настай Б.Мөнгөнзул Монгол Улсын 28 дахь аварга болж байна.  Эрэгтэй шатарчдын хувьд М.Амилал, их мастер С.Билгүүн нар ижил долоо оноотой зуузай холбож явна. Өчигдөр хоёр мастер хоорондоо тэнцсэн юм. Өнөөдөр М.Амилал-Х.Итгэлттэй цагаанаар наадах бол С.Билгүүн Н.Содбилэгттэй хараар тоглож, улсын аварга хэн болох нь тодорно.