Япон Улсад хөнгөн атлетикийн ДАШТ үргэлжилж байна. Өнөөдөр есдүгээр сарын 14-ний өглөөний 07:30 цаг  "Токио-2025" хөнгөн атлетикийн 20 дахь удаагийн ДАШТ-ий эмэгтэйчүүдийн марафон гүйлтийн 42 км 195 м-ийн  уралдаан явагдлаа. Тус марафонд 43 орны 73 тамирчин гараанаас гарсны дотор манай хоёр марафонч ОУХМ  Баярцогтын Мөнхзаяа, Галбадрахын Хишигсайхан нар 1127, 1128 дугаартай уралдааны замд гарсан.

   Манай Г.Хишигсайхан 2:35:05 амжилтаар 25 дугаар байрт, Б.Мөнхзаяа маань 2:42:43 амжилтаар 45 дугаар байраар барианд орлоо. ОУХМ Б.Мөнхзаяа ДАШТ-д тав дахь удаагаа оролцож байгаа юм. Дэлхийд чансаагаараа 139-д бичигдэж буй, хувийн дээд амжилт нь 2:24:45 байгаа билээ. ОУХМ Г. Хишигсайхан дөрөв дэх удаагаа ДАШТ-д оролцож байгаа, дэлхийд 123-д эрэмбэлэгдэж буй, хувийн дээд амжилт нь 2:26:32 юм.