Чөлөөт бөхийн насанд хүрэгчдийн эрэгтэйчүүдийн 57, эмэгтэйчүүдийн 36 дахь удаагийн ДАШТ Хорват Улсын нийслэл Загреб хотод өнөөдөр хоёр дахь өдрөө үргэлжилнэ.  Монгол Улсын шигшээ баг 2007 оны ДАШТ-ээс эхлэн тасралтгүй 17 ДАШТ дараалан медаль авсан амжилтаа үргэлжлүүлж, Монголын чөлөөт бөхийн тамирчдын ДАШТ-ээс хүртсэн 80 дахь медалийг МУГТ Т.Тулга хүртэх нь тодорхой болсон. Харин дэлхийн аваргын алт, мөнгө медалийн аль байхыг өнөө орой шийдэх барилдаан хийх юм.

     Өнөөдөр эрэгтэй чөлөөт бөхийн 57, 74, 79, 92 кг гэсэн дөрвөн жингээр эхэлнэ. Манай улсаас 57 кг-ын жинд өсвөрийн ДАШТ-ий хүрэл медальт, ОУХМ Батхуягийн Мөнх-Эрдэнэ,  74 кг-д ОУХМ Эрдэнэбатын Төгсжаргал,  79 кг-д ОУХМ Олонбаярын Сүлдхүү, 92 кг-ын жинд ОУХМ Төмөрбаатарын Дэмчигдорж нар өрсөлдөн

    Мөн 70 кг-ын жинд финалдсан гавьяат тамирчин, Төмөр-Очирын Тулга өнөөдөр алтан медалийн төлөө барилдах юм. 61, 70, 86, 125 кг-ын жингийн дагах болон 57, 74, 79, 92 кг-ын жингийн урьдчилсан шатны барилдаанууд 16:30 цагаас эхэлнэ.  Харин 61, 70, 86, 125 кг-ын жингийн финалын барилдаанууд 00:00 цагаас явагдах хуваарьтай байна.