Монгол Улсын гавьяат тамирчин,  Төмөр-Очирын Тулга “Загреб-2025” насанд хүрэгчдийн ДАШТ-ий эрэгтэйчүүдийн 70 кг-ын жингийн хагас шигшээд Казахстаны Нуркожа Кайпановын эсрэг барилдлаа.  Түүний өрсөлдөгч нь 2019 оны ДАШТ-ий мөнгөн медальт, 2024 оны дэлхийн аварга, Ази тивийн гурван удаагийн аварга цолтой нэгэн байв.

    Энэхүү барилдаанд манай бөх 5:2-оор илүүрхэж, ДАШТ-ий алтан медалийн төлөө барилдахаар боллоо. МУГТ Т.Тулга барилдааны явцад 2:0-ээр тэргүүлж явсан ч хоёр оноо алдаж, бүхэл онооны чанараар хожигдож эхэлсэн. Харин үүнээс хойш нягт барилдаж, гурван оноо дараалан авснаар 5:2-оор ялалт байгуулсан юм.  Т.Тулга өнөөдөр алтан медалийн төлөө Японы бөх, ДАШТ-ий мөнгө, Азийн аваргын мөнгө, хүрэл медальт Ёшиносүкэ Аоягитай барилдах болно.