Англи Улсын Ливерпүүл хотноо боксын насанд хүрэгчдийн дэлхийн аварга шалгаруулах тэмцээн  үргэлжилж байна.  ОУХМ Л.Алтанцэцэг ДАШТ-ий хүрэл медалийн болзол хангалаа. Боксын дэлхийн аварга шалгаруулах тэмцээний эмэгтэйчүүдийн 48 кг-ын жинд Монголын шилдэг тамирчин, ДАШТ-ий мөнгөн медальт “ОБЕГ”-ын харъяа “Аврагч” спорт хорооны тамирчин, ОУХМ Лутсайханы Алтанцэцэг медалийн төлөө Японы Хикару Шинохараг ялж, хүрэл медалийн болзол хангаад байна.

     Алтанцэцэг хажуугийн шүүгчдийн 5:0 гэсэн саналаар илт давуу оноогоор ялалт байгуулж дэлхийн рингнээс дараалан медаль хүртэж буй Монголын анхны эмэгтэй боксчин болж, түүхэн амжилт бүтээлээ. Өнөөдөр буюу 2025 оны есдүгээр сарын13-ны орой Энэтхэгийн тамирчинтай ДАШТ-ий мөнгөн медалийн төлөө тулалдах юм.