Нийслэлийн Засаг даргын 2022 оны А/497 дугаар захирамжаар зохион байгуулагдаж байгаа Нийслэлийн Иргэдийн спортын X наадам үргэлжилж байна. Энэ удаагийн наадмын тав дахь үе шатны отгон болох шагайн наадгайн шигшээ тэмцээн өвлийн тэргүүн сарын шинийн нэгний билигт сайн өдөр тохиож байгаагаараа онцлог юм. Тэмцээн Чингэлтэй дүүргийн Биеийн тамир, спортын хорооны зааланд явагдаж эхэллээ.