Охид, бүсгүйчүүдийн хамгийн их хүлээж, бэлддэг шинэ жилийн баяр хаяанд иржээ. Тансаг, хээнцэр даашинзтай, чамин өсгийт өмссөн бүсгүйчүүд хэн бүхний хайрыг татаж, шинэ жилийн үдшийн гол чимэг нь болдог. Тэгвэл энэ жилийн тренд гоёлуудын талаарх мэдээллийн хүргэе.

Гялалзсан болон хилэн даашинз

   Голлох гоёл буюу хамгийн их ач холбогдол өгдөг даашинзны энэ жилийн тренд нь нүд гялбам гялалзсан даашинз. Мөн биеийн галбир гаргасан хилэн материалтай богино даашинз. Өнгөний хувьд энэ жилийн тренд үзмийн ягаан болон завсрын өнгө тренд хэвээр байх аж. Үүнээс гадна  шилдэг өнгийн сонголт болох хар, улаан, цагаан даашинзууд ч эрэлттэй байна.

Чамин өсгийт

   Энэ жилийн хувьд 1990 оны загвар эргэн моданд оржээ. Тэр дундаа тухайн онд тренд болж байсан дөрвөлжин өсгийтэй болон зузаан ултай өндөр өсгийт тренд байх аж. Үүнээс гадна шигтгээтэй чамин өсгийтөөр ч гоёоорой. Харин минамалист загварын даашинз өмссөн бол нүдэнд өртөх хэмжээний гоёлтой өсгийтийг сонгоорой.

Минимал загварын гоёл

    Энэ жилийн даашинзны тренд хангалттай бусдын нүдийг татах гялалзсан өнгө, загвартай учир ээмэг, зүүлтийн хувьд илүү энгийн, даруухан загвартай байх аж. Мөн бөгжний хувьд гялтганасан үений бөгжийг хослуулан зүүгээрэй. Ээмэгний хувьд гялтганасан чулуун шигтгээтэй ээмэг мода болж байна.

Өнгийн контор, улаан уруулын будаг

    Шинэ жилийн баяртаа орохдоо нүүр будалтдаа нүдний харандаа өнгийн контороор тоглолт хийгээрэй. Цагаан, ягаан, цэнхэр өнгийн контурыг даашинзтайгаа хослуулан нүдээ будаж болох бөгөөд олон төрлийн дүрс, өнцөг гаргаж болох аж. Мөн нүдээ энгийн даруухан уусгалттай будаж, хацраа өнгөлөөд, уруулаа тод улаан өнгөөр будаарай. Энэ нь таныг илүү эрхэмсэг харагдуулж мэдэх юм.

Гелдсэн үс, гялалзсан  чимэглэл

     Үсэндээ нарийхан урт сааг тогтоож өнгө нэмээрэй. Хэрэв даашинз чинь даруухан бол үсэндээ шигтгээ тогтоож, наагаарай. Энэ нь таныг гэрлийн тусламжтайгаар илүү чамин бөгөөд онцгой харагдуулна. Мөн үсээ хойш гелдэж үлдсэнийг нь долгион оруулан задгай тавиарай. Хөнгөн долгион оруулсан үс ч мөн энэ жилийн мода.