Нийслэлийн ИТХ-ын Тэргүүлэгчид хуралдаж, Нийслэлийн өмчөөс төрийн өмчид эд хөрөнгө шилжүүлэх, Нийслэлийн  өмчийн бүртгэлээс барилга байгууламж хасах, Нийслэлийн ИТХ-ын ээлжит V хурлыг товлох тухай зэрэг асуудлыг хэлэлцлээ. Нийслэлийн Онцгой байдлын газар өнгөрсөн онд БНБУ-ын буцалтгүй тусламжаар техникийн парк шинэчлэл хийсэн. Иймд хуучин тээврийн хэрэгсэл болон техник хэрэгсэл бүхий 732 сая төгрөгийн өмчийг төрийн өмчид буюу есөн дүүрэг, орон нутгийн өмчид шилжүүлжээ. Мөн нийслэлийн Сонгинохайрхан дүүргийн XXI хорооны 74 дүгээр сургууль болон Сонгинохайрхан амралт цогцолборын зоогийн газрын барилгын хэсэг шатсан учир нийслэлийн өмчийн бүртгэлээс хассан байна. Түүнчлэн нийслэлийн ИТХ-ын ээлжит V хуралдааныг энэ сарын 25-ны 11:00 цагт хуралдуулахаар товложээ.

Нийслэлийн ИТХ-ын Хэвлэл мэдээлэл, олон нийттэй харилцах төв