Монгол Улсаас Бүгд Найрамдах Итали Улсад суугаа Элчин сайд Д.Булган Олон улсын эрх зүйн хөгжлийн байгууллагын (IDLO)-гийн ерөнхий захирал хатагтай Жан Бийглтэй уулзаж хамтын ажиллагааны асуудлаар санал солилцов. Уулзалтын үеэр ОУЭХБ-ын зүгээс Монгол Улсад хэрэгжүүлж буй “Жендерт суурилсан хүчирхийлэлтэй тэмцэх тогтолцоог бэхжүүлэх төслийн талаар ярилцав.

    Мөн  “Хүүхэд, өсвөр насны хүний эрхийг цахим орчинд хамгаалах, урьдчилан сэргийлэх болон эрх зүйн мэдлэгийг нэмэгдүүлэх төсөл” хөтөлбөрүүд амжилттай, үр дүнтэй үргэлжилж байгааг илэрхийлэн, энэ сард болох ОУЭХБ-ын Байнгын хорооны хурлын зохион байгуулалтын асуудлаар ярилцсан байна.

   Монгол Улс тус байгууллагын гишүүнээр 2015 онд элссэн бөгөөд 2024-2026 онд гишүүн орнуудын Ассамблейн дэд ерөнхийлөгчөөр ажиллаж байна.  ОУЭХБ-ын Төлөөлөгчийн газар 2021 онд Улаанбаатар хотод байгуулагдсан бөгөөд Монгол Улсын Засгийн газартай хууль эрх зүйн чадавхыг бэхжүүлэх, авлигатай тэмцэх тогтолцоог боловсронгуй болгох зэрэг чиглэлээр идэвхтэй хамтран ажиллаж байна.