Мьянмарын удирдагч асан Аун Сан Су Чи-г буулгаж, цэргийнхэн төрийн эргэлт хийгээд байгаа билээ. Аун Сан Су Чи тэргүүтэй эрх мэдэлтнүүдийг сонгуулийн үед коронавирусийн эсрэг дүрэм зөрчсөн, сонгуульд булхай орсон хэмээн буруутган гэрт нь хорьж байв. Тэгвэл цэргийн хүчнийхэн төрийн эргэлт хийж, ардчиллыг үгүй хийсэнд иргэд дургүйцлээ илэрхийлэн жагсаж эхэлсэн бөгөөд 536 хүн амиа алдаад байгаа билээ.

Цэргийн хүчнийхэн өнгөрсөн пүрэв гарагт төрийн удирдагч асан Аун Сан Су Чи-г колоничлолын үеийн нууцын тухай хууль зөрчсөн хэргээр 14 жилийн хорих ял оноогоод байна гэв. Мөн авлигын хэрэгт буруутгаж 600 мянган ам доллар, 11 кг алт авсан хэмээн буруутгаж байгаа аж.

Хатагтай Аун Сан Су Чи цэргийнхэнд баривчлагдсанаас хойш олон түмэнд ил гараагүй байсан бөгөөд шүүхийн үед видео дүрсээр холбогджээ. Түүний өмгөөлөгч Аун Сан Су Чигийн бие тааруухан байна хэмээн мэдээлсэн байна.