Хятад Улс Хонконгийн сонгуулийн тухай шинэчилсэн “эх оронч” хуулийг баталжээ. Уг хуулийг батлах тухай асуудлыг өнгөрсөн гуравдугаар сарын эхнээс Бүх Хятадын Ардын Төлөөлөгчдийн Их Хурлаар ярьж байсан билээ. Тэгвэл тус хуулийн заалтад зөвхөн “эх оронч” зүтгэлтнүүд төрийн албан тушаалд өрсөлдөх боломжтой болно гэж тусгажээ.

Мягмарт гарагт БХАТИХ-ын Байнгын хороо санал нэгдэж, уг хуулийг баталсан бөгөөд ойрын хугацаанаас хэрэгжүүлнэ гэв.

Харин шүүмжлэгчид “Эл хууль Хонконгийн парламентын гишүүдийг эсэргүүцэл үзүүлэх боломжгүй болгох зорилготой тул тус хотод ардчилал үгүй болно” гэж үзэж байна.