"Өнгөрсөн бямба гарагт Мьянмарын 44 хотод иргэд төрийн эргэлтийг эсэргүүцэн жагссан бөгөөд нэг өдөрт 114 хүний амь эрсэдлээ" хэмээн НҮБ мэдээллээ. Хоёрдугаар сараас хойш төрийн эргэлтийг эсэргүүцсэн жагсаалд дор хаяж 423 хүн амиа алдаад байна гэв.

Өнгөрсөн хоёрдугаар сарын 1-ны өдөр Мьянмарын цэргийн хүчнийхэн улс төрийн эрх мэдэлтнүүдийн унагаж, төрийн эргэлт хийсэнд иргэд жагсаж эсэргүүцлээ илэрхийлсээр байгаа билээ. Цэргийн хүчнийхэн хүчирхийлэл ашиглаж, иргэдийн аминд хүрч буй явдлыг НҮБ буруушааж байгаа юм.

НҮБ-ийн Мьянмар дахь тусгай эрхт илтгэгч “Цэргийн хүчнийхэн олныг хамарсан аллага үйлдэж байна” хэмээсэн бөгөөд дэлхий нийтээр цэргийн хүчнийхэнд хаалт хийж, зэвсгээр хангахгүй байхыг уриалжээ.