АНУ-ын Ерөнхийлөгч Жо Байден дэд Ерөнхийлөгч Камала Харрист Мексикийн хил дээр гацаад буй олон мянган цагаачдын асуудлыг шийдвэрлэх даалгавар өглөө.

Жо Байден “Энэ хэдий хүнд ажил боловч үүнийг хийж чадах ганц хүн бол дэд Ерөнхийлөгч” хэмээн Камали Харрисийг үнэлсэн байна. Жо Байден Ерөнхийлөгчийн суудлыг авснаас хойш АНУ руу цагаачлагчдын тоо нэмэгдсэн билээ. “Өнгөрсөн хоёрдугаар сард өмнөдийн хилээр 100 мянган цагаачид орж ирсэн бөгөөд цагаачлагчдын тоо 28 хувиар өссөн” хэмээн Гаалийн албаныхан мэдээлжээ.

Тийм хэдий ч “Жо Байден цагаачдад нааштай хандсанаас болж хууль бус цагаачлал нэмэгдэж байна” хэмээн мэргэжилтнүүд үзэж буй аж.