Хойд Солонгос ойрын зайн пуужин хөөргөсөн явдал АНУ болон Хойд Солонгосын хоёр улсын харилцаанд хурцаар яригдаж байсан билээ.

Харин уг явдалд Ерөнхийлөгч Жо Байден “Хойд Солонгос пуужин хөөргөсөн нь өдөөн хатгалга биш. Энэ бол ердөө ажил хэрэг” хэмээн хариулжээ.

Өнгөрсөн ням гарагт Хойд Солонгос далавчит пуужинг Шар тэнгис руу хөөргөсөн явдал олны анхааралд өртөөд байв. Уг явдлын дараа НҮБ-ын Аюулгүйн зөвлөл Хойд Солонгост хориг тавьж, баллистик пуужин хөөргөхийг хориглосон билээ.

Тэгвэл уг асуудлын талаар сэтгүүлчид Жо Байденаас “Хойд Солонгос пуужин хөөргөсөн нь өдөөн хатгалга гэж харж байна уу” гэсэн асуултад “Үгүй ээ. Энэ бол өрдөө л ажил хэрэг. Хойд Солонгосын үйлдэлд шинэ зүйл байхгүй” хэмээн хариулжээ.

Энэхүү мэдэгдэл нь Жо Байдены засгийн газар Хойд Солонгостой дипломат харилцаа тогтоохыг эрмэлзэж буйтай холбоотой хэмээн мэргэжилтнүүд харж буй.