АНУ-д долоо хоногийн дотор хоёр ч удаа зэвсэгт этгээд гэмгүй иргэдийг буудаж хөнөөсөн хэрэг гарсан билээ.

Өчигдөр буюу мягмар гарагт Колорадо мужийн нэгэн дэлгүүрт буутай этгээд 10 хүний амь хөнөөсөн бөгөөд нэг нь цагдаагийн албан хаагч байв.

Өнгөрсөн долоо хоногт Атланта хотын спа-д зэвсэгт этгээд халдаж найман хүний амь хөнөөсөн бөгөөд зургаа нь Ази гаралтай америк иргэн байжээ.

Колорадо мужид болсон халдлагын дараа Ерөнхийлөгч Жо Байден үг хэлсэн бөгөөд хуулийн цоорхойг арилгаж, хүйтэн зэвсгийг хориглох тухай шинэ хууль батлахыг уриалсан байна.

Жо Байден “Нэг хүний амийг аврахын тулд хором ч бүү хүлээ” хэмээв.

 Мөн Азиудыг ялгаварлан гадуурхах, үзэн ядах сэдлээс үүдэлтэй гэмт хэрэг жилийн хугацаанд эрс нэмэгдсэн бөгөөд Азиудын эрхийг хамгаалах ажил эхлүүлэхээ амласан билээ. Жо Байдены хэвлэлийн төлөөлөгч “Хүйтэн зэвсэгтэй тэмцэх шинэ хуулийн төсөл одоогоор хэд хэдэн хувилбарыг хэрэгжүүлэх ажилд явж байна” хэмээн мэдэгдсэн байна.

Гэвч галт зэвсэг хориглох саналд АНУ-ын Сенатууд хоёр хуваагдаад буй тул батлах эсэх нь эргэлзээтэй байгаа аж.