Бүгд Найрамдах Аргентин Улсын Ерөнхийлөгчийн сонгууль өнгөрсөн аравдугаар сараас эхлэн либерал Хавьер Майлей ялалт байгуулсан. Тэгвэл өдгөө 53 настай Хавьер Майлей ирэх ням гарагт Буэнос-Айрес хотод Ерөнхийлөгчийн тангараг өргөхөөр болжээ. Тангараг өргөх ёслолын үеэр шинэ Ерөнхийлөгч засаг захиргааныхаа бодлогыг танилцуулах арга хэмжээ зохион байгуулах бөгөөд “Аргентинийг хөгжлийн зөв замд оруулахын тулд эрс шинэчлэл, өөрчлөлт хийх” тухайгаа мэдэгдээд байгаа юм.

Аргентин Улсын төсвийн зардал өндөр, инфляцийн түвшин нь 140 хувь даваад байгаа. Харин шинэ Ерөнхийлөгч инфляцийг бууруулах замаар төсвийн өрийг татах бодлого хэрэгжүүлнэ гэдгээ амлажээ.