• Өнөөдөр 2021-07-23

МУУХАЙ МОНГОЛ

2021-07-22,   2015

-Хасах л байсан юм бол Япон явахаас нь өмнө хасчихгүй дээ-

          “Дарин дээр давс нэмэв” гэдэг шиг олимпод оролцох сагсан бөмбөгийн эмэгтэй багийг тойрсон “хэрүүл” дээр С.Тулга дасгалжуулагчийн тайлбар “илүүц” болов уу даа. Тэгсэн хэр нь “Та нар олимп дууссаны дараа л наад хов жив, хэрүүлээ хийж болно шүү” гээд л “пээдэлзээд” сууж байх.

          Токиогийн олимпод оролцох сагсан бөмбөгийн 3х3 төрлийн эмэгтэй баг энэ сарын 16-нд Япон Улсад очсон. Японд очсон бүрэлдэхүүнд дасгалжуулагч С.Тулга болон Б.Солонго, О.Хулан, Э.Чимэддолгор, М.Цэрэнлхам, Д.Ганзул, Б.Болор-Эрдэнэ гэсэн зургаан тамирчин багтсан юм. Гэтэл Токиод очсоныхоо дараа олимпод оролцох сагсан бөмбөгийн 3х3 төрлийн багаас Д.Ганзул, Б.Болор-Эрдэнэ хоёрыг хасчихав. Яг энэ цагаас “уралцаан” эхэлсэн гэж хэлж болох. Дасгалжуулагчийнх нь мэдээлснээр Д.Ганзул, Б.Болор-Эрдэнэ хоёрыг гэмтэлтэй байсан учраас хассан аж. Тэрбээр “Д.Ганзулын нуруу нь татаж, өвдөг нь өвдөж байсан. Харин Б.Болор-Эрдэнэ Япон ирэхээс долоо хоногийн өмнө Д.Ганзултай мөргөлдөж, хамраа хугалсан” гэсэн юм. Тэрбээр ийн мэдэгдэл хийхдээ “Сонгогдсон дөрвөн хүүхэд маань өнгөрсөн хоёр жилийн хугацаанд өдөр бүр бэлтгэлээ хийсэн. Итгэхгүй бол ирцийн дэвтрийг харсан ч болно шүү” гээд их л “сайрхаж” гарав. Үүгээр ч зогсохгүй олимпод оролцохоор сонгогдсон хүүхдүүд сайд, дарга нарын хүүхдүүд биш шүү, олимпод оролцох багтаа “зөв” хүүхдүүдээ авч үлдсэн гэж хэлсэн юм. Нэг үгээр тайлбарлавал олимпын багаас хасагдсан Д.Ганзул, Б.Болор-Эрдэнэ хоёрыг “буруу” гээд хэлсэнтэй ялгаагүй болж байгаа юм.

          Монголын сагсан бөмбөгийн 3х3 төрлийн дасгалжуулагч нарын багт зургаан дасгалжуулагч байдаг гэнэ. Уг зургаан дасгалжуулагч өнгөрсөн хоёр жилийн хугацааны бэлтгэл, үр дүнг харсны эцэст дээрх шийдвэрийг гаргасан аж. Харин ахлах дасгалжуулагч С.Тулга “Багийнхаа хамгийн сайн тоглогчийг хасдаг дасгалжуулагч байхгүй. Гэхдээ олимпод оролцохоор сонгогдсон дөрвөн охин одоо хамгийн сайн тоглож байгаа” гэжээ. “Сайрхаж” мэдэгдэл хийсэн С.Тулга дасгалжуулагчийн мэдэгдэл уурсаж байсан олон нийтийг “дүрэлзүүлээд” хаячихав уу даа.

Токиогийн олимпыг зохион байгуулах хорооноос анх зургаан тамирчинтай ирж болно гэж мэдэгджээ. Харин очсоных нь дараа цар тахлаас урьдчилан сэргийлэх дүрэмтэй холбоотойгоор дөрвөн тамирчныг нь оруулахаар болсон байна. Харин дасгалжуулагч С.Тулга “Манай 3х3 сагсан бөмбөгийн гэр бүл юу ч болсон хамт байна. Хэрэв манай баг олимпоос медаль хүртвэл бүгдээрээ хамт байж байгаад авна” гэж мэдэгдэлдээ дурдсан. Харин олимпод оролцох багаас хасагдсан Д.Ганзул, Б.Болор-Эрдэнэ хоёр олимпын хотхонд нэвтрэх эрхгүй учраас гадуур байрлаж байгаа гэнэ.

          Тэгээд бас болоогүй “Олимпод оролцохоор сонгогдсон дөрвөө байдаг чадлыг нь шавхаад хүчээр ташуурдаад, шилбүүрдээд оруулна даа” гээд л эмэгтэй хүнийг амьтан, адгуус мэт яриад “бахархан” сууж байх. Хасах л байсан юм бол Япон явахаас нь өмнө хасчихгүй дээ.

 


МУУХАЙ МОНГОЛ
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 10
  • Сэтгэгдэл үлдээсэн: 2021-07-23 10:53:34
    Бат: Бид сагсан бөмбөгөөр олимпод оролцох арай болоогүй ээ яахав ОУ аас зээлсэн мөнгөөрөө япон орныг үзээд ирэх л юи даа
  • Сэтгэгдэл үлдээсэн: 2021-07-23 09:49:32
    mongol: tulgiig dejij bn dasgaljuulagch tamirchidaa medne shuu dee, hen hen ni ajiltiin tuluu yavj baigaa bolohoor shanstai tamirchnaa l avch yavna shuu dee
  • Сэтгэгдэл үлдээсэн: 2021-07-23 06:56:32
    Баясаа: Сайн байгаа нь оролцохоос өөр яахавдээ
  • Сэтгэгдэл үлдээсэн: 2021-07-22 16:36:39
    батаа: Тулга дасгалжуулагч энэ спортыг ямар байсныг нь ямар болгоод гаргаж ирснийг бүгд мэдэх болохоор ярих юм байхгүй. Дүрмийнхээ дагуу шанстай гэсэн 4 хүүхдээ л үлдээсэн байх. Ганзул, Болор-Эрдэнэ 2 мундаг тамирчид, олон жил тоглох байх аа
  • Сэтгэгдэл үлдээсэн: 2021-07-22 15:49:23
    Hi: Ukun Tulgaa ch guriiseer baij 3x3-r hooloo olj ideed bgaam aa. Yavaandaa ene neg yumand mungu ugch baij saga toglodog bolno doo aygui bol
  • Сэтгэгдэл үлдээсэн: 2021-07-22 15:33:47
    Zochin: Нэгэнт цаанаас гаргасан дүрэмд тохируулаад 4ийг нь авч орохоор болсон байна. Дасгалжуулагч хэнийг авахаа өөрсдөө л мэднэ шдээ. Юу бичээд байгаан бэ? Тэнд очсон хойноо анхнаас нь дөрөв гэж хэлэхгүй яасын гэл хэрүүл хийгээд байж болохгүй шдээ. Дасгалуулагч хүн арай илүүгээ авч үлдэх нь гарцаагүй шдээ. Тэрэнд нь ард түмэг оролцоол хэвлэлийнхэн оролцоод байх ямар хэрэгтэй юм бэ?
  • Сэтгэгдэл үлдээсэн: 2021-07-22 15:07:18
    ыыы: Энэ мэдээллийг бичиж байгаа хүн өөрөө муухай МОНГОЛ.........
  • Сэтгэгдэл үлдээсэн: 2021-07-22 14:41:47
    Зочин: Хасагдсан 2 нь л элдэв яриа гаргаа биз. Бас ар гэрийнхэн нь юу ч мэдэхгүй байж бас олон долоон юм ярьцгаагаад байдаг.
  • Сэтгэгдэл үлдээсэн: 2021-07-22 14:23:45
    монгол: 4 хүн л оруулна гэсэн байншд тэгээд гэмтэл бэртэлтэй хүнээр яах юм бэ зөв талаас нь ойлгоцгоо монголчуудаа
  • Сэтгэгдэл үлдээсэн: 2021-07-22 14:23:44
    монгол: 4 хүн л оруулна гэсэн байншд тэгээд гэмтэл бэртэлтэй хүнээр яах юм бэ зөв талаас нь ойлгоцгоо монголчуудаа
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, XI хороолол, 14193-Их тойруу 43, "N tower" V давхар 501-2 тоот
7509-1188