Засгийн газраас түгжрэл, утааг бууруулах зорилгоор УИХ-д өргөн барьсан "20 минутын хот" гэсэн сүржин нэртэй концепц төсөл хэрэгжиж эхлээд багагүй хугацаа өнгөрөв. Төрийн аль ч үйлчилгээг 20 минутын дотор авч, хотын аль ч захаас түгжрэлийг тоолгүй замын хөдөлгөөнд оролцох боломж бий болгох томоохон төсөл хэрэгжиж байгаа ч нийслэлчүүд зорьсон газартаа хүрэх гэж 20 минут битгий хэл хоёр цаг, түүнээс ч илүү цагаар түгжирч, нам зогсдог нь хэвээрээ. Эрх биш томоохон төсөл, концепц эхлүүлж, хэрэгжүүлэхэд хугацаа шаардлагатайг нийслэлчүүд хэлүүлэлтгүй мэднэ. Гэсэн ч урт хугацаандаа хэрэгжих энэ бодлогын суурь болгож, эхний ээлжид хоолойд тулсан нэн тэргүүний асуудлуудаа шийдвэрлэх, асуудлын яг дунд нь ороод, гарц, гаргалгаа, шийдэл гаргаад ажиллаж байх ёстой Засгийн газрын сайд, "20 минутын хот" Үндэсний хорооны дарга Р.Эрдэнэбүрэн "сураггүй" байна. Хичээлийн шинэ жил эхлэхтэй зэрэгцэн автомашины хөдөлгөөн хэвийн үеэсээ хэд дахин нэмэгдэж, түгжрэх бүү хэл, таг зогсдог боллоо. Төрийн ордонд кнопынхоо ч учрыг олохгүй суугаа Р.Эрдэнэбүрэнгээс түгжрэлийг бууруулах шийдэл хүлээгээд нэмэргүй юм байна.

Засгийн газар өнгөрсөн тавдугаар сард "20 минутын хот"-ыг бий болгох эрх зүйн орчин бүрдүүлэхээр хуулийн төсөл өргөн мэдүүлсэн. Сүүлийн хэдэн жил нийслэлчүүдийн толгойны өвчин болсон утаа, түгжрэл, агаарын бохирдлыг нэг мөр цогцоор нь шийднэ гэсэн Засгийн газраас гаргасан ганц гаргалгаа. Хуулийн төсөлдөө тусгаснаар, Улаанбаатар хотоос гадна Хөшигийн хөндий буюу Шинэ зуун мод хот, Шинэ Хархорум, Дархан, Эрдэнэт, Багануур, Налайхыг улсын зэрэглэлтэй хот болгон хөгжүүлэх, цаашид бүс бүхэн, боомт бүр улсын зэрэглэлтэй хоттой болох эрх зүйн боломж бүрдүүлнэ гэж байв. Ингээд зогсохгүй, Улаанбаатар хотод Хан-Уул хот, Яармаг хот, Буянт-Ухаа хот, Сонгинохайрхан хот, Толгойт хот, Баянхошуу хот, Өнөр хот, Баянгол хот, Чингэлтэй хот, Сэлбэ хот, Сүхбаатар хот, Дарь-Эх хот, Баянзүрх хот, Амгалан хот зэрэг 14 хотыг бие даан хөгжүүлж, иргэн бүр төрийн үйлчилгээг 20 минутын дотор авахаар их өгөгдөлд тулгуурласан цахим төлөвлөлт бүхий нэгдсэн стандарт тогтоох санаачилга гаргасан байдаг. Мөн Бага тойруугийн төвлөрлийг задлахын тулд Засгийн газрын харьяа байгууллагуудыг Хөшигийн хөндийд шилжүүлэн байршуулахаар төлөвлөсөн. Бага тойруугаас-Хөшигийн хөндийг Дүүжин гүүр болон туннелээр шууд холбож, 20 минутын дотор Төрийн ордны Чингисийн хөшөөнөөс Чингис хаан нисэх онгоцны буудалд шууд очдог байх боломжийг бүрдүүлэхээ мэдээлсэн. Энэ тухай ч Ерөнхий сайд Л.Оюун-Эрдэнэ “Энэхүү хууль батлагдсанаар дагуул хотын бүтээн байгуулалтыг эрчимжүүлэх хүрээнд хөрөнгө оруулалт, татварын таатай орчныг бий болгоно. Тээвэр логистикийн нэгдсэн төвийг байгуулж, хөгжүүлснээр орон нутаг, бүс, олон улсын логистикийг сайжруулна. Орон сууцжуулах төсөл хэрэгжүүлж, нийслэлээс иргэд шилжин суурьших, төрийн байгууллага, их, дээд сургууль, коллеж, шинжлэх ухааны байгууллагуудыг нүүлгэх нөхцөл бүрдэнэ” хэмээн мэдэгдэж байлаа. Гэсэн ч өргөн барьсан концепц төслийн суурь ажлууд нь хэрэгжиж эхлээд хотынхны хоолойд тулсан түгжрэлийн асуудал бага ч болов буурах уу гэтэл бахь байдгаараа нийслэлчүүд автомашинтайгаа замын голд нам зогсдог хэвээрээ.

Хичээлийн шинэ жил эхлэхтэй зэрэгцэн хэдэн цагаар тэг зогсдог түгжрэлийн "гол баатар" нь Засгийн газрын сайд, "20 минутын хот" Үндэсний хорооны дарга Р.Эрдэнэбүрэн байлаа. Хамтарсан Засгийн газар нэгдэж, томилогдсон сайд нар нь хариуцсан салбар бүрдээ хийсэн зүйлгүй юм аа гэхэд хийх гэж аргацааж байхад Р.Эрдэнэбүрэн сайдад бүр хөдөлсөн ч юм алга. Усан бороо олон хоног үргэлжлэн орж, үерийн аюул болохоо алдаж, замын хөдөлгөөнд зай гарахгүй шахам нам гацаж байхад ч "20 минутын хот"-ын сайд гэсэн гоё нэр, сэтрээр албан тушаалаа өөрчилсөн түгжрэлийн сайд нь түмний нүдэн дээр ил гарсангүй. Харин сайд болсноосоо хойш хүмүүст ганц харагдсан нь Засгийн газрын хуралдааны шийдвэр танилцуулахаар гарч ирээд "Төрийн байгууллагуудаа Богд уулын урд тал руу нүүлгэнэ" гэснээс өөр хоолойд тулсан түгжрэлийн асуудлаа хэрхэх вэ гэсэн асуудлаар хийсэн дорвитой зүйлгүй суугаа.

Засгийн газрын сайд, "20 минутын хот" Үндэсний хорооны дарга Р.Эрдэнэбүрэн түгжрэлийг тоож байгаа юмгүй Төрийн ордонд сууж байна. Уг нь Р.Эрдэнэбүрэн УИХ-ын гишүүнээр ажиллаж байсан нэгэн. Гэсэн ч гишүүнээр ажиллаж байсан туршлагатай нэгэн гэмээргүй загнаж, парламентын танхимдаа ч учраа олохгүй "Баахан юу нь мэдэгдэхгүй өнгийн кноп гарч ирээд байна" гээд кнопынхоо учрыг ч олохгүй будилж сууна лээ. Кнопынхоо учрыг ч олохгүй байгаа УИХ-ын гишүүн, Засгийн газрын сайдаас нийслэлчүүдийн шүдний өвчин болсон түгжрэлийн асуудалд шийдэл хүлээгээд даанч нэмэр алга.

Хариуцсан салбараа, хотын түгжрэлээ тоолгүй суугаа Р.Эрдэнэбүрэнгийн хувьд 1974 онд Дундговь аймагт төрсөн, Гурвансайхан сумаараа овоглодог нэгэн. Тэрбээр Дундговь аймагтаа арван жилийн сургуулиа дүүргэж, Бүгд найрамдах Турк Улсын Анкарагийн их сургуулийн хуулийн анги, МУИС-ийн Хууль зүйн дээд сургуулийг хуульч, эрх зүйч мэргэжлээр төгссөн байдаг. Улмаар дээд боловсрол эзэмшсэнээсээ хойш буюу 1999 оноос УИХ-ын гишүүн, “Эх орон” намын дарга, “Эрэл”-ийн Б.Эрдэнэбатын туслахаар ажиллаж эхэлсэн намтартай. Улмаар төрийн түшээгийн туслахаас шууд УИХ-ын гишүүн болсон нэгэн. Р.Эрдэнэбүрэн 2004-2008 онд төрийн түшээ хийсэн намтраасаа хойш хоёр ч яамны Төрийн нарийн бичгийн даргаар ажиллаж байсан бөгөөд улс төрийн намтар нь чамгүй зузаан. Гэсэн ч төрийн алба хашихдаа тэрбумын авлигын хэргээр шалгагдаж байсан хар намтартай гэнэ. Тухайлбал, Р.Эрдэнэбүрэн 2012-2015 онд Барилга, хот байгуулалтын яамны Төрийн нарийн бичгийн даргаар ажиллаж байхдаа "Орон сууцны үнэ тогтворжуулах хөтөлбөр"-ийг хэрэгжүүлэхдээ бусдаас их хэмжээний авлига авсан байж болзошгүй хэргээр АТГ-ынханд баривчлагдаж, шалгагдаж байв. Улмаар хууль, хяналтын байгууллагаас Р.Эрдэнэбүрэнг яллагдагчаар татаж, бусдаас тэрбум төгрөгийн авлига авч, авлигын мөнгөөрөө Хан-Уул дүүргийн 11 дүгээр хороо, "Ривер гарден" хотхонд зургаан өрөө байр, хоёр автомашины зогсоол худалдаж авсан гэх үндэслэлээр шүүхэд шилжүүлж байв. Гэвч 2018 онд шүүхээс түүнийг гэм буруугүй гэж үзэн сулласан байдаг.
| КНОПЫНХОО Ч УЧРЫГ ОЛОХГҮЙ ТӨРИЙН ОРДОНД “ТҮГЖЭЭ” БОЛЖ СУУГАА Р.ЭРДЭНЭБҮРЭНГЭЭС ТҮГЖРЭЛИЙГ БУУРУУЛАХ ШИЙДЭЛ ГАРАХ УУ |
|
Пара таеквондо-гийн улсын аваргууд тодорлоо
2026-11-17 07:20:00
Жюү жицү-гийн дэлхийн аварга Б.Цолмонд хүндэтгэл үзүүлэв
2026-11-17 07:10:00
“ЗУНЫ ШӨНИЙН ЗҮҮД”, “ЖАРГААГҮЙ НАР”, “БИ ЭНДЭЭС ЯВАХГҮЙ” ТЭРГҮҮТЭЙ ЖҮЖГИЙН НАЙРУУЛАГЧ Ч.ТҮВШИН
2026-11-17 07:02:35
“ТОД МАГНАЙ” КИНОНЫ БОСОО ХЭЭР МОРИНЫ ЭЗЭН Ё.АЮУРЗАНА: САМСАА УУЖИМ, ХӨЛ, ШИЛБЭ БҮДҮҮН, САЙХАН НҮДТЭЙ ХЭЭР МОРЬ МИНЬ КИНОНД МӨНХӨРСӨН ДӨӨ
2026-11-17 07:00:37
СЭТГҮҮЛЧДИЙГ ЗАЛХААН ЦЭЭРЛҮҮЛДЭГ "ПРАКТИК АЛБАДЛАГА" ГЭЖ ЮУ ВЭ
2026-11-17 07:00:00
АВЛИГЫН ГЭМТ ХЭРЭГТ НЭР ХОЛБОГДСОН АРДЫН НАМЫНХАН АЖЛАА ӨГЧ, ШАЛГУУЛАХ ЦАГ НЬ БОЛЖЭЭ
2026-11-17 07:00:00
ХОТЫН АВАРГААС ЭХЭЛСЭН ХОЛЫН МӨРӨӨДӨЛ
2026-11-17 07:00:00
ГАДААД ӨР 11 ИХ НАЯДААР НЭМЭГДЭХ УЛСЫН ТӨСВИЙН ЭРГЭН ТОЙРОНД
2026-11-17 06:50:49
CЭТГҮҮЛЧ Б.ДАВААХҮҮГИЙН ӨМГӨӨЛӨГЧ: Прокурорын байгууллагаас нотлох баримтыг танилцуулаагүй
2026-11-16 18:01:21
Н.Учрал: Монголбанкнаас төсвийн шинжтэй арга хэмжээг санхүүжүүлэхгүй байх хууль, эрх зүйн орчныг бүрдүүлнэ
2026-11-16 17:56:32
СҮХБААТАР АЙМГИЙН АЖИЛ ОЛГОГЧ, ХУВИАРАА ХӨДӨЛМӨР ЭРХЛЭГЧ 200 ИРГЭН ХАБЭМ-ИЙН МЭДЛЭГ ОЙЛГОЛТОО НЭМЭГДҮҮЛЛЭЭ
2026-11-16 17:06:37
Нийслэлийн автозамд өнөөдөр 299.7 тонн давс, 53 тонн бодис цацжээ
2026-11-16 16:17:09
БҮТЭЭГДЭХҮҮН ХУВААХ ГЭРЭЭНИЙ ҮҮРГИЙН БИЕЛЭЛТИЙГ ХАНГУУЛАХ, ХУГАЦАА ХЭТЭРСЭН ӨР ТӨЛБӨРИЙГ ШҮҮХЭД ӨГӨХИЙГ АМГТГ-Т ДААЛГАЖЭЭ
2026-11-16 15:29:12
Э.БАТШУГАР: ХҮҮХДИЙН ХЭЛ ЯРИАНЫ ХӨГЖЛИЙГ БАГА НАСНААС НЬ ДЭМЖИНЭ
2026-11-16 14:52:55
Т.Сайцфолла дэлхийн аваргаас мөнгөн медаль хүртэв
2026-11-16 12:31:16
Монголын мөсөн сийлбэрчид Испанид дахин түрүүллээ
2026-11-16 12:10:23
СТИВЕН КИНГИЙН “ГАСЛАН” НОМЫН ЭШЛЭЛ
2026-11-16 11:39:26
НӨАТ-ын сугалааны тохирол энэ сарын 18-нд болно
2026-11-16 11:33:35
С.Алтантуяа агсны аав С.Шаарийбуу олон нийтээс дэмжлэг хүслээ
2026-11-16 11:17:26
Шатрын хаан Карлсен Будапештэд бүдэрлээ
2026-11-16 10:56:34
НӨМРӨГИЙН ДЦГ-Т УЧИРСАН ХОХИРЛЫН ҮНЭЛГЭЭНИЙ ТАЙЛАНГ ТАНИЛЦУУЛЛАА
2026-11-16 09:55:03
“ЖЭЖҮ УЛЬТРА МАРАФОН 2026” гүйлтийн тэмцээн боллоо
2026-11-16 09:53:04
Үндэсний бөхийн залуучуудын улсын аварга өндөрлөв
2026-11-16 09:40:27
Женев хотод Олон улсын цахилгаан холбооны байгууллагын их хурал эхэллээ
2026-11-16 09:24:39
Н.Ундрамзаяа дэлхийн хүүхдийн фестивалиас алтан медаль хүртлээ
2026-11-16 09:08:32
Б.Сэр-Од Кобэгийн марафонд амжилттай оролцлоо
2026-11-16 08:56:18
2026-11-16 08:34:21
АҮЭБ-ИЙН САЙД Г.ДАМДИННЯМ “ЭРЧИС ОЙЛ” ТӨХК-ИЙН ЗАХИРЛААР НАЙЗЫГАА ТОМИЛСНЫ АРД ЯМАР АШИГ СОНИРХОЛ НУУГДАЖ БАЙНА ВЭ
2026-11-16 08:30:00
Монголын баг "Davis Cup-2026" Asian, Oceania, Group V” тэмцээнд түрүүлллээ
2026-11-16 07:20:00
Гардан тулааны Азийн аваргаас 12 алт, 8 мөнгө медаль хүртлээ
2026-11-16 07:10:00
“ХЭЛТГИЙ ЗАЯА”-ГИЙН СЭНДЭРЭЭС “АХАН ДҮҮС” ХҮРТЭЛХ ДҮРИЙН ЭЗЭН Б.ЭРДЭНЭЧИМЭГ
2026-11-16 07:00:00
АНЧИН М.ГАНТУЛГА: АХ НЬ ЗАЛУУДАА САХЛЫНХАА ЦАНГ ШУДРААД, БУУГАА ШАГАЙХАД ЯМАР Ч АМЬТНЫГ ДАВХИЛ ДУНД НЬ УНАГАДАГ БАЙЛАА
2026-11-16 07:00:00
“ТӨСВИЙН ХУЛГАЙН ШИНЭ БҮЛЭГЛЭЛ” БУЮУ ТӨРИЙН БАЙГУУЛЛАГУУДЫН ДЭРГЭДЭХ ХУУЛЬ БУС ХЭВЛЭЛ МЭДЭЭЛЛИЙН АЛБАД
2026-11-16 07:00:00
“ТОМ”-ЧУУД ЦҮНХ ЦҮНХЭЭР АМ.ДОЛЛАР ЗӨӨЛЦӨЖ БАЙХАД ИРГЭДИЙН АМЬДРАЛ УЛАМ ДОРДОЖ БАЙЛАА
2026-11-16 07:00:00
“НОРСОН ЗҮРХ”-НИЙ ЦОХИЛОХ ЧИМЭЭГ АНИРДАХУЙ
2026-11-16 07:00:00
ДЭЛХИЙН ШИЛДЭГ НИЙТЛЭЛ: “ХАМАС” ХАЛДСАН ӨДӨР
2026-11-16 07:00:00
МОНГОЛЫН ЖҮДОЧДЫН ӨРСӨЛДӨӨНГҮЙ "ЗАГРЕБ ГРАН ПРИ-2026"
2026-11-16 07:00:00
| Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц |
| 7509-1188 |