-Ял авсан болгоны эд хөрөнгийг хурааж авах ёсгүй-

Нийслэлийн прокурорын газраас хяналт тавьж, шүүхэд шилжүүлсэн хэргүүдээс нийт 48 гэмт хэрэгт 21.586.213.463 төгрөгийн хөрөнгийг хурааж, улсын орлого болгохоор шүүхээр шийдвэрлүүлсэн талаараа өчигдөр мэдээллээ. Тодруулбал, албан тушаалын байдлаа урвуулан ашиглаж өөртөө болон бусдад давуу байдал бий болгосон, мөнгө угаасан гэмт хэрэг үйлдсэн Ерөнхий сайд асан С.Баяр, Ч.Давааням, үндэслэлгүйгээр хөрөнгөжсөн С.Баярцогт, Ш.Мөнгөншагай нарын эд хөрөнгийг хурааж, улсын орлого болгох шийдвэр гарсан аж. Энэ талаар хуульч Б.Мэргэнээс байр суурь авлаа.

-УЕПГ, НПГ-аас хэд хэдэн хүний эд хөрөнгийг хурааж, улсын орлого болгох шийдвэр гарсан талаар мэдээлсэн. Энэ талаар та байр сууриа илэрхийлэхгүй юү?

-Өмнө нь “Эд хөрөнгө хурааж байна” гээд хамаагүй хураачихдаг байсан. Одоо бол гэмт хэрэг үйлдэж олсон эд хөрөнгийг л хурааж авах хуулийн зохицуулалттай болсон. Эсвэл гэмт хэрэг үйлдэж олсон эд хөрөнгийг ашиглажбий болгосон хөрөнгийг хураана. Өөрөөр эд хөрөнгө хураах боломжгүй. Нэгдүгээрт, хураах гэж буй эд хөрөнгө нь гэмт хэрэг үйлдэж бий болсон эд мөн, биш гэдгийг тогтоох ёстой. Тэрнээс биш гэмт хэрэг үйлдсэн хүн бүрийн эд хөрөнгийг хураах боломжгүй гэдгийг ойлгох хэрэгтэй. Мөн хурааж авахдаа, гэмт хэргийн үр дүнд бий болсон эд хөрөнгийг л хураана. Шүүхээс гэмт хэрэг үйлдсэн этгээдийн эд хөрөнийг хураах  шийдвэр гаргасан байх ёстой. Ял авсан болгоны эд хөрөнгийг хурааж авах ёсгүй гэсэн үг. Бүх зүйл шүүхийн шийдвэрийн дагуу явах ёстой. Тэрнээс хэн нэг албан тушаалтан, эсвэл улсын ерөнхий прокурор хүний эд хөрөнгийг шууд хураачихдагюм биш.

-Оффшор бүсэд байршуулсан эд хөрөнгийг хураах боломжтой юу. Тухайлбал, Ерөнхий сайд асан С.Баярын АНУ-д байгаа олон хаусыг Монгол Улсын өмч гээд хураах боломж бий юү?

-Олон улсад байгаа эд хөрөнгийг хураахтай холбоотой асуудлыг би сайн мэдэхгүй байна. Тухайн улстай хууль, эрхзүйн туслалцаа үзүүлэх гэрээтэй эсэх гээд олон зүйлээс шалтгаалах байх. Дурын улсаасаа очоод, дуртай эд хөрөнгөө хураах боломжгүй. Аль улсад байгаа эд хөрөнгө гэдгээс шалтгаална. Жишээлбэл, зарим улсад тухайн улсын хуулиараа Монгол Улсад гэмт хэрэг үйлдэгдсэн байсан ч гадаадад байгаа бол тэр улсынх нь өмч болгож авдаг. Монгол Улс руу эд хөрөнгийг шилжүүлэх боломжгүй улс гэж бий. Эсвэл гэмт хэрэг үйлдэгдсэн нь тогтоогдвол “Энэ бол Монгол Улсын эд хөрөнгө мөн” гээд шууд шилжүүлдэг улс хүртэл байгаа. Энэ хоёр хувилбараас шалтгаалж, асуудал шийдэгдэнэ. Өөрөөр хэлбэл, тухайн улс нь ямар хууль, тогтоомжтой, манай улстай харилцан туслалцаа үзүүлэх гэрээтэй юм уу, үгүй юм уу гээд олон нөхцөл байдлаас хамаарна. Гэхдээ би ийм бодит хэрэг дээр ажиллаж үзээгүй болохоор хэлж мэдэхгүй байна.

-Хэрэв олон улсад байгаа эд хөрөнгийг Монгол Улсын эд хөрөнгө болгож авлаа гэхэд хэдий хэр хугацаа шаардах юм бэ?

-Эд хөрөнгийг Монгол Улс руу шилжүүлэхээр боллоо гэхэд багагүй цаг хугацаа орно. Гэмт хэрэг үйлдсэн хүний эд хөрөнгө аль улсад байгаа, тухайн улсын хууль тогтоомж ямар вэ гэдгээс шалтгаалжулсын орлого болох эсэх нь тогтоогдоно. Мөн хоёр орны Засгийн газар хоорондын хэлэлцээрээр шийдэх боломжтой