Төрийн хошой шагналт, Гавьяат эмч, Анагаах ухааны доктор, профессор Д.Нямсүрэнд Ардын эмч цол хүртээлээ. Тэрбээр "Төрийн дээд шагнал шагнал авлаа. Дөрөв дэх удаагаа төрийн дээд шагналаа авсандаа маш их баяртай байна. Яг л энэ агшинд тэнгэрт байгаа аав, ээжийгээ, энэхүү шагналыг авахад намайг дэмжсэн үр хүүхэд, хань ижил, Хөвсгөл нутгийнхаа Цагаан-Уул сумын ард түмэнд, Улсын Нэгдүгээр Төв Эмнэлгийн хамт олонд баярласан талархсанаа илэрхийлмээр байна. Би 49 жил ажиллах хугацаандаа эмнэлгийнхээ авралын бурхадуудтай хамт ажиллаж, алтан үеийн авралын бурхадуудаар багшуулж өдийн хүрсэндээ маш их баярлаж байна. Ингээд Нэгдүгээр төв эмнэлгийн хамт олондоо 100 жилийн ойн баярын мэндийг хүргэе" гэв.