• Өнөөдөр 2024-03-29

Цай Веньруй: Хэл бичгийн асуудал бол Хятадын дотоод хэрэг

2020-09-15,   3910

Өнөөдөр БНХАУ-ын Төрийн зөвлөлийн гишүүн бөгөөд Гадаад хэргийн сайд Ван И манай улсад албан ёсны айлчлал хийж буй. Түүний айлчлалын үеэр хэлэлцэх асуудлууд болон сүүлийн үед эрчимтэй яригдаж буй Монгол хэл бичгийн асуудлаар БНХАУ-аас Монгол Улсад суугаа Элчин сайд Цай Вэньруй хэвлэлд ярилцлага өгчээ. Түүний ярилцлагаас онцлох эшлэлүүдийг түүвэрлэн хүргэж байна. 

Айлчлалын үеэр Монгол Улсад 700 сая юанийн буцалтгүй тусламж олгох Эдийн засаг, техникийн хамтын ажиллагааны тухай хэлэлцээрт гарын үсэг зурна.

Хилийн боомтууд, тэдгээрийн дэглэмийн тухай хэлэлцээрийг шинэчилж, Монгол Улсаас БНХАУ руу хөх тарианы гурил экспортлох тухай хэлэлцээр байгуулна.

Дэлхийн бусад орнуудын адил БНХАУ-ын Үндсэн хуулиар иргэн бүр улсын нийтээр хэрэглэдэг хэл бичгийг сурах, хэрэглэх эрх үүрэгтэй. Холбогдох шийдвэр, арга барил маань хуульд нийцсэн бөгөөд энэ нь Хятад улсын дотоод хэрэг. 

Үндэстний цөөнхийн сурагчид улсын нийтээр хэрэглэдэг хэлийг сурснаар ажил хөдөлмөр эрхлэх, орчин үеийн шинжлэх ухаан, технологийн мэдлэгийг авах, нийгэмд хөл тавихад нь тустай.

Эх хэл бичгийн талаар Монгол Улсад маш их шуугьж байна. Ялангуяа Монгол Улсын Ерөнхийлөгч байсан хүн эсэргүүцэж байна. Тэр хүн Өмнөд Монгол бол Хятадын нутаг дэвсгэрийн салшгүй хэсэг гэдэг байсан. Албан тушаалаасаа буугаад хоёр нүүртэн болж байна. 

Казах үндэстнүүд Монгол хэл сурахгүй бол болохгүй биз дээ. Түүнтэй адил зөвхөн Монголоор яривал Хятадад ч гэсэн ажиллахад хэцүү.

Өмнөд Монголтой холбоотой асуудал дээр худал цуурхал тарааж, зөрчилдөөн үүсгэж Хятад, Монголын харилцааг өдөөн хатгаж байна. Үүнээс үүдэн хоёр улсын ард иргэдийн ашиг сонирхол болон найрамдалд хохирол учрах аюултай.

Цар тахлаас шалтгаалж манай улсын эдийн засаг хумигдаж байна. Нүүрсний хэрэгцээ багасч байна. Бараг нүүрсний хэрэгцээ байхгүй. Ний нуугүй хэлэхэд, та бүхний ашиг сонирхлыг харгалзан ажиллаж байна. 


Цай Веньруй: Хэл бичгийн асуудал бол Хятадын дотоод хэрэг
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 4
  • Сэтгэгдэл үлдээсэн: 2020-09-16 01:10:40
    Songuuli: Uwur mongoliin asuudal dotood asuudal baij bolno.nvvrsee zaawal uguh hereg baigaa yumuu.mongoliin zasga neg udaa nvvrsee niilvvlhee bolchihgvi yu daa,heseg hugchaanii daraa,hytaduud nuutsoo duusaad guih baihaa.delhiin nvvresnii hanshnaas hamaagvi bagaar niilvvlj baigaa shvvdee.gazar nutgaa uhan tvnhen guij uguh shaardlag baihgvi baimaar yum.
  • Сэтгэгдэл үлдээсэн: 2020-09-15 20:32:33
    Зочин: Хэл бичгийн асуудал тэдний асуудал бидэнд хамаагүй
  • Сэтгэгдэл үлдээсэн: 2020-09-15 17:58:31
    teneg xyataduud: yaaj xyatadaas xaraat bus bolnodoo xetsvv ch yumdaa
  • Сэтгэгдэл үлдээсэн: 2020-09-15 17:51:57
    зочин: Гуйн гэж гутамшиг Гуйлгана гэж гайхамшиг гэж энэ дээ.
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188