УИХ-ын гишүүн Ч.Лодойсамбуу шатахуун болон жагсаалын тухай асуудлаар мэдээлэл өглөө.       “Их хурлын үйл ажиллагааг өнгөрсөн долоо хоногт нь дараагийн долоо хоногийн үйл ажиллагааны тав дарааллыг гаргадаг учраас би дарааллынхаа дагуу өчигдөр чуулганы хурал дээр очоогүй. Түүнээс биш гэнэт алга болсон зүйл байхгүй.

      Өчигдөр оройн жагсаалыг харахад улс төрийн нөлөөлөл орсон л харагдаж байна. Би үүнд тойруулж хэлмээргүй байна. Өчигдөр орой зориудаар цагдаа болон иргэний хооронд мөргөлдөөн үүсгэж байна гэж үзсэн. Би үүнийг ерөнхий сайд асан Л.Оюун-Эрдэнэ гэж би дотроо хардаж байгаа. Ер нь бол өөрөө зурагтаар ч “Би иргэний дайн үүсгэж чадна, би том жагсаал гаргаж чадна” хэлж байсан. Миний бодлоор тэр ярьсан зүйлээ л хийх гэж үзээд байх шиг байна. Би Оюун-Эрдэнэд “Чиний өмнөөс байлддаг, чиний өмнөөс бие биеэ хохироодог нэг ч эрүүл ухаантай хүн Монгол Улсад байхгүй шүү” гэж хэлнэ. Өнөөдрийн энэ шатахууны хомсдол ч мөн Л.Оюун-Эрдэнийн хомсдол шүү. Таван жил хамгийн өндөр өртөгтэй байсны эцэст бид одоо сарын ч нөөцгүй болсон. Шатахуунаа өөрсдөө хийж чадахгүй хэвээрээ. Дээр нь хувийн компаниуд нь оруулаад ирсэн байсан ч гэсэн төрийн зохицуулалтаар ямар ч нөөцлөх сав байхгүй байна. Одоо л нөөцлөх савны тухай ярьж эхэлж байна гэдэг бол таван жил өндөр эрх мэдэл, их хөрөнгийн дээр хэвтсэн Л.Оюун-Эрдэнийн хар багийнх нь 15 давхарт нь очиж жагсах ёстой. Ард иргэд төр засгаас өөр хэнд гомдох вэ, 10 жил эрх барьсан нам. Эд нар яг юу хийсэн юм бэ, ядаж шалтаг хэлэх хэрэгтэй. МАН хамгийн урт хугацаанд төрийн эрх мэдэлд суухдаа энэ шатахууныхаа асуудал, ядаж саваа бэлдэхгүй яасан юм.Би ч мөн адил ийм л ажил хийдэг болохоос адилхан л Монгол Улсын иргэн хүн. Өөр хэлэх үг алга. Одоо эрх мэдлээсээ буугаад, өшөөгөө авахын тулд Монголчуудыг мөргөлдүүлж, байлдуулна гэж бодож байгаа бол андуурал шүү гэж хэлье. Монголчууд ухаан суусан байна. хэдэн ч нам солигдсон бид тог цахилгаан, шатахууны асуудлаа хараат байлгах юм байна. засгийн газар нь бас мэдээллээ өгөөд, иргэдтэйгээ хамт баймаар байна. Эрэлтийн асуудлаас болоод шатахууны хомсдол үүсэж байгаа юм. Нийлүүлэлтийн хурд нь түгээлтийн хурдаа гүйцэхгүй байна. Бас эрчим хүчний асуудлаас бид хараат байгаа нь таван жил юу ч хийгээгүй төр засгаас болсон л гэж хэлье” гэв.