"Айчи-Нагояа 2026" Азийн наадмын жүдо бөхийн хувийн барилдааны сүүлийн өдрийн эрэгтэйчүүдийн 90, -100, +100 кг, эмэгтэйчүүдийн -78, +78 кг-ын жингийн барилдаан явагдана.

     Эмэгтэйчүүдийн -78 кг-ын жинд ОУХМ О.Хүслэн барилдах юм. Тэрбээр “А” хэсгийн нэгдүгээр тойрогт  Ираны Maryam BARBAT-тай барилдана. Хэрэв түүнийг ялж чадвал хэсгийн аваргын төлөө Хятадын WU Hongtao-тай барилдана.

    Эмэгтэйчүүдийн +78 кг-ын жинд ОУХМ  А.Адъяасүрэн барилдах юм. Тэрбээр “D”хэсгийн нэгдүгээр тойрогт гоц мөргөн ялалт авсан. Хэсгийн аваргын төлөө Казахстаны Aida TOISHIBEKOVA-тай барилдана.

   Эрэгтэйчүүдийн 90 кг-ын жинд Ж.Энхтөр барилдах юм. Тэрбээр “В” хэсгийн нэгдүгээр тойрогт Peng-Yu CHEN-тэй таарсан. Хэрэв түүнийг ялж чадвал хэсгийн аваргын төлөө Японы Riku OKADA, Непалийн Sujan GURUNG нарын ялсантай барилдах магадлал өндөртэй байна.

   Эрэгтэйчүүдийн -100 кг-ын Ц.Ган-Эрдэнэ барилдана. Тэрбээр “D” хэсгийн нэгдүгээр тойрогт Өмнөд Солонгосын HAN Juyeop-той таарсан. Хэрэв түүнийг ялж чадвал хэсгийн аваргын төлөө Хятадын Fuchun HUANG-тай барилдах юм.

   Эрэгтэйчүүдийн +100 кг-ын жинд ОУХМ Б.Гончигсүрэн барилдана. Тэрбээр “С” хэсгийн нэгдүгээр тойрогт гоц мөргөн ялалт авсан. Хэсгийн аваргын төлөө Казахстаны Yerassyl KAZHYBAYEV,  Индонезын Gede Agastya Darma WARDANA I нарын хэн ялсантай барилдана.