Цаг уур орчны шинжилгээний газраас гаргасан 2020.04.18-ны 08 цагаас 20.00 цаг хүртэлх цаг агаарын мэдээллээр өнөөдөр   зарим газраар бороо, уулархаг нутгаар нойтон цас орж, цаашдаа нутгийн зүүн хагаст хур тунадас орж хүчтэй шороон шуурга шуурч, эрс хүйтрэхийг онцгойлон анхааруулж байна  Ихэнх нутгаар үүлэрхэг. Нутгийн төв хэсгээр бороо, нойтон цас орно. Салхи нутгийн зүүн өмнөд хэсгээр баруун өмнөөс, бусад нутгаар баруун хойноос секундэд 6-11 метр, зарим газраар секундэд 14-16 метр хүрч шороон шуурга шуурна. Увс нуурын хотгор, Завхан голын эх, Хангай, Хөвсгөлийн уулархаг нутаг,  Идэр, Тэс голын хөндийгөөр 2-7 градус,  Алтайн өвөр говь,  говийн бүс нутгийн өмнөд хэсэг болон Дорнод Монголын тал нутгаар 16-21 градус, бусад нутгаар 9-14 градус дулаан байна УЛААНБААТАР ХОТ: Үүлэрхэг. Бага зэргийн  бороо орно. Салхи баруун хойноос секундэд 5-10 метр, зарим үед 13-15 метр хүрч ширүүснэ. 9-11 градус дулаан байна