• Өнөөдөр 2025-09-18

Монголын боксын холбоо Удирдах зөвлөлийн гишүүдээ сонголоо

2021-04-03,   477

Монголын боксын холбооны Удирдах зөвлөлийн гишүүдийн хуралдаан болж хэд хэдэн асуудлыг хэлэлцэж шийдвэрлэв. Тодруулбал, МБХ-ны дүрмийн нэмэлт, өөрчлөлтийг хэлэлцэж батлажээ. Мөн холбооны Удирдах зөвлөлийн гишүдийг сонгож, чөлөөлж, бүрэлдэхүүнд өөрчлөлт оруулсан байна. Улмаар МБХ-ны үйл ажиллагааны тайлан, төлөвлөгөөтэй танилцуулжээ.

Монголын топ дөрвөн спортын нэг МБХ-ны 14 дэх ерөнхийлөгчөөр "Эрдэнэс Силвер Ресурс" ХХК-ийн Гүйцэтгэх захирал Т.Мөнхбаяр энэ оны нэгдүгээр сард сонгогдсон билээ. Тэрбээр 2013-2016 онд Монголын боксын холбооны Дэд ерөнхийлөгчөөр ажиллаж байсан туршлагатай хүн юм.

Өнөөдрийн байдлаар Монголын боксын үндэсний шигшээ багаас гурван тамирчин /ОУХМ Б.Чинзориг, Э.Цэндбаатар, эмэгтэй боксчдоос анх удаа М.Мягмаржаргал/ албан ёсоор эрхээ аваад байна. Энэ онд 73 жилийн түүхээ бичиж байгаа Монголын үе үеийн боксчдоос олимпын алтан медальтан Э.Бадар-Ууган, мөнгөн медальтан П.Сэрдамба, Н.Төгсцогт, хүрэл медальтан Н.Энхбат, Н.Баярсайхан, У.Мөнх-Эрдэнэ, Д.Отгондалай нарын боксчид тодорсон. Мөн монголын боксчдоос Дэлхийн аварга нэг /П.Сэрдамба/, ДАШТ-ий мөнгөн медальтан дөрөв/Р.Отгонбаяр, Т.Үйтүмэн, Э.Бадар-Ууган, Н.Төгсцогт /, ДАШТ-ий хүрэл медальтан таван боксчин /Э.Цогтжаргал, П.Сэрдамба, У.Мөнх-Эрдэнэ /хос хүрэл/, Д.Отгондалай, М.Нандинцэцэг-эмэгтэй, Д.Цэндбаатар/ төрөөд байгаа юм.


Монголын боксын холбоо Удирдах зөвлөлийн гишүүдээ сонголоо
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188
[email protected]
2025 © Зохиогчийн эрх хуулиар хамгаалагдсан. Мэдээлэл хуулбарлах хориотой.