Монголын чөлөөт бөхийн өсвөр үе, залуучуудын “U17” нас, “U22” насны анхдугаар лигийн тэмцээн өндөрлөж, жин тус бүрийн аваргууд тодорсон. Тус тэмцээний үеэр бооцоот халз барилдаан болсон юм.

     Монголын чөлөөт бөхийн анхдугаар лигийн 70 кг-ын жингийн халз барилдаан “Хасу-Мегастарс” клубийн тамирчин спортын мастер Э.Төгсжаргал, “Сонгинохайрхан дүүрэг, “MJ” клубийн тамирчин спортын мастер П.Мөнх-Эрдэнэ нарын хооронд болов. Дундаасаа нэг сая төгрөгийн бооцоо тавьж өрсөлдсөн тус барилдаанд Э.Төгсжаргал 4:1-ээр ялалт байгуулав.