Тайланд Улсын Бангкок хотод  Азийн олимпын зөвлөлийн Тамирчдын  форум болно. Тус форумд 44 Үндэсний олимпын холбоо төлөөлөгчөө илгээхээр болсныг зохион байгуулагчид мэдэгдлээ.

Форум гуравдугаар сарын 18-19-ний өдрүүдэд Бангкок хотын “Сентара Гранд” зочид буудалд болох хоёр өдрийн форумыг Азийн олимпын Тамирчдын комиссын дарга Микако Котани, дэд дарга Тайаб Икрам нар удирдан явуулах юм.

Форумын үеэр тэмцээний хууран мэхлэлтээс урьдчилан сэргийлэх, тамирчны карьерийн дараах амьдрал, допингийн эсрэг хийх тэмцэл, Тамирчдын комиссыг хэрхэн үр дүнтэй ажиллуулах зэрэг олон сэдвийн хүрээнд хэлэлцүүлэг өрнөнө. Тус форумд МҮОХ-ны дэргэдэх Тамирчдын комиссын төлөөлөл мөн оролцоно.