Тайланд Улсын Бангкок хотод жюү жицү бөхийн Азийн аварга шалгаруулах тэмцээн албан ёсоор өнөөдөр эхэллээ. Энэ удаагийн Азийн аваргад 30 орны тамирчид жюү жицүгийн дөрвөн төрөлд өрсөлдөнө. Монголоос 20 тамирчин, зургаан сайн дурын ажилтны хамт оролцож байна. Тамирчдын хоёр дахь хэсэг өнөөдөр Бангкокт газардаж, жин үзлэгт оролцлоо.

            Манай тамирчид “Jiu jitsu Duo Show” төрлөөр анх удаа Азийн аваргын тэмцээнд өрсөлдөв. Бие хамгаалах спортын техникүүдийг багтаан, жүжигчлэн найруулан толилуулдаг төрөл нь спортыг урлагтай хослуулан тамирчнаас олон талт чадварыг шаарддаг төрөл юм. Тэмцээний эхний өдөр Хонгорзул, Гантулга, Түвдэнтарваа, Монголжин, Уянга нар Монгол Улсаас дуо төрөлд оролцлоо.