Жүдо бөхийн Европын цуврал Варшавын нээлттэй тэмцээн энэ сарын 25-26-ны өдрүүдэд Польш Улсын Варшав хотод болж байна. Энэ удаагийн тэмцээнд Африкийн гурван орны арван бөх, Азийн зургаан орны 74, Европын 27 орны 345, Ази Номхон далайн гурван орны зургаа, Пан Америкийн дөрвөн орны 18 бөх, нийт 43 улсын эрэгтэй 248, эмэгтэй 181, нийт 429 тамирчин өрсөлдөж байгаа юм.

       Эрэгтэйчүүдийн 60 кг-ын жинд 42 жүдоч барилдсан. Манай улсаас Нямсүрэнгийн Мэндсайхан эхний тойрогт гоц мөргөн ялалт аваад, хоёрдугаар тойрогт Недерландын Weling Bart-д ялагдан тэмцээнээ өндөрлүүллээ. Дагважанцангийн.Эрдэнэдалай нэгдүгээр тойрогт  хийлж ялалт аваад, хоёрдугаар тойрогт Украины Бисковт хожигдсон. Харин Мөнхжаргалын Тэргэлсар барилдаагүй.  

          Эмэгтэйчүүдийн 52 кг-ын жинд 27 жүдоч барилдсан. Манай улсаас Баянмөнхийн Уранзаяа барилдлаа. Тэрбээр нэгдүгээр тойрогт Польшийн Kuras Marta-д хожигдсон. Харин 57 кг-д 31 жүдоч барилдсан Энэ жинд АНЭУ-ын өмнөөс Батсүхийн Алтанцэцэг хүч үзлээ. Тэрбээр нэгдүгээр тойрогт Лативын Sokirianska Anastasiya-г ялаад хоёрдугаар тойрогт Недерландын Beurskens Julie-д хожигдсон. Б.Алтанцэцэгийг хожсон Недерландын тамирчин алтан медаль хүртсэн.

         Эмэгтэйчүүдийн 63 кг-ын жинд 32 бөх барилдсан. Манай улсаас Цэгмидийн Энх-Оргил хүч сорив. Тэрбээр нэгдүгээр тойрогт Сербийн Buncic Jovana-д хожигдсон.