Жүдо бөхийн Европын цуврал Варшавын нээлттэй тэмцээн энэ сарын 25-26-ны өдрүүдэд Польш Улсын Варшав хотод болно. Энэ удаагийн тэмцээнд Африкийн гурван орны арван бөх, Азийн зургаан орны 74, Европын 27 орны 345, Ази Номхон далайн гурван орны зургаа, Пан Америкийн дөрвөн орны 18 бөх, нийт 43 улсын эрэгтэй 264, эмэгтэй 189, нийт 453 тамирчин өрсөлдөнө.

        Эрэгтэйчүүдийн 60 кг-ын жинд 42 жүдоч байна. Манай улсаас Нямсүрэнгийн Мэндсайхан, Дагважанцангийн Эрдэнэдалай, Мөнхжаргалын Тэргэлсар нар хүч сорино.  Эмэгтэйчүүдийн 52 кг-ын жинд 27 жүдоч байна. Манай улсаас Баянмөнхийн Уранзаяа барилдана.  Харин 57 кг-д 31 жүдоч байна. Энэ жинд АНЭУ-ын өмнөөс Батсүхийн Алтанцэцэг хүч үзэх юм. Эмэгтэйчүүдийн 63 кг-ын жинд 32 бөх байна. Манай улсаас Цэгмидийн Энх-Оргил барилдана.