Монголын бүх ард түмний спортын өвлийн XVI наадам, Монголын хүүхдийн спортын өвлийн VII наадам үргэлжилж байна. Насанд хүрэгчдийн шайбтай хоккейн тэмцээний сүүлийн тоглолт “Хангарьд”, “Сэлэнгэ” багуудын хооронд үргэлжилж 9:4-ийн харьцаагаар Орхон аймгийн “Хангарьд” баг хожиж алтан медалийн эзэд боллоо.  

      Тоглолтын нэгдүгээр үеийн төгсгөлд “Сэлэнгэ” багийн хаалгач бэртэл авч сэлгээний хаалгач байхгүй тул тоглолтыг үргэлжлүүлэхийн тулд “Хангарьд” багийн хоёр дахь хаалгачийг сэлгэж тоглуулсан маш сонин тохиолдол байлаа. Энэхүү тоглолт спорт бол зөвхөн медалийн төлөөх тэмцэл биш, нөхөрлөл, тэмүүлэл, амжилт гэдгийг харууллаа.