Мэргэжлийн сүмогийн 69 дэх ёкозүна Хакүхо М.Даваажаргалын нэрэмжит "Хакүхо кап-2023" өсвөр үеийн сүмо бөхийн олон улсын тэмцээн өчигдөр энэ сарын 12-ны өдөр Японы Токио хотын "Рёогокү Кокигүкан" ордонд боллоо. Энэ жил 13 дахь удаагаа болж буй тус тэмцээнд Монголын 11 өсвөрийн сүмочид оролцсон байна.

           Тэмцээний 10 насны ангилалд Баянхонгор аймгийн Баянлиг сумын сурагч Хаш-Эрдэнэ алт, 11 насанд нийслэлийн 13 дугаар сургуулийн сурагч Чилүгэн хүрэл медаль, багийн барилдаанд манай хөвгүүд хүрэл медаль тус тус хүртжээ. “Гарамгай бөх”-өөр Баянхонгор аймгийн сурагч Хашмаргад тодорсон. Тэмцээнд Япон, Монгол, Украин, АНУ зэрэг найман орны 900 гаруй хүүхэд өрсөлджээ.