Монголын биатлоны шигшээ багийн тамирчид хоёрдугаар сарын 15-19-ний өдрүүдэд Латви Улсын Мадонад болох залуучуудын “IBU Cup”, гуравдугаар сарын 4-12-нд Казахстан Улсын Шучинскт болох өсвөр үе, залуучуудын ДАШТ-д оролцохоор эх орноосоо мордлоо.

           Багийн бүрэлдэхүүнд ОУХМ Э.Энхсайхан, М.Должинсүрэн, спортын мастер Б.Анхболд, залуу тамирчин Б.Сүхбат, Ж.Гантулга, Э.Хонгорзул гэсэн зургаан тамирчин, дасгалжуулагч Ц.Мөнх-Эрдэнэ, Б.Бат-Эрдэнийн хамт явлаа. Монголын биатлоны шигшээ багийн ахлах дасгалжуулагч, олимп, дэлхийн аварга, Беларусийн гавьяат дасгалжуулагч Александр Попов тэндээсээ багийнхантайгаа нэгдэнэ.