"Улаанбаатар лиг" сагсан бөмбөгийн Хан-Уул  дүүргийн аварга шалгаруулах тэмцээнийг дүүргийн Боловсролын хэлтэс, ерөнхий боловсролын сургуулиудтай хамтран энэ сарын 8-9-ний өдрүүдэд явуулж аваргуудаа тодрууллаа.  Тэмцээний бүсийн аварга шалгаруулах тэмцээн төвийн бүс дүүргийн Биеийн тамир спортын хорооны заал, 52 дугаар сургууль, 75 дугаар сургууль, 115 дугаар сургуулийн заалуудад, яармагийн бүс 60 дугаар сургууль, 118 дугаар сургуулийн заалуудад, нисэхийн бүс 163 дугаар сургууль, 89 дүгээр сургуулийн заалуудад тус тус явагдав.

                 Шигшээ тэмцээн ХУД-ийн Биеийн тамир, спортын хорооны заал болон 15 дугаар сургуулийн заалуудад явагдлаа. Гурван насны ангилалд ХУД-ийн ерөнхий боловсролын төрийн болон хувийн хэвшлийн 31 сургуулийн охидын 44 багийн 600 орчим тамирчин, хөвгүүдийн 61 багийн 800 гаруй тамирчин нийт 105 багийн 1400 тамирчин хурд хүч, авхаалж самбаагаа сорин өрсөлсөндсөн байна.

Байгууллагын нэгдсэн дүнгээр:

Тэргүүн байр, алтан медалийг У.Гэрэлт-Од дасгалжуулагчтай 52 дугаар сургууль.

Хоёрдугаар байр, мөнгөн медалийг Пунцагдаш дасгалжуулагчтай 32 дугаар сургууль.

      Гуравдугаар байр, хүрэл медалийг Д.Саранцэцэг дасгалжуулагчтай 60 дугаар сургуулийн багууд тус тус шалгарч авлаа.Нийслэлийн аварга шалгаруулах шигшээ тэмцээнд нас тус бүрт эхний хоёр байрт шалгарсан багууд дүүргээ төлөөлөн оролцох эрхээ аваад байна.