Монгол бүх ард түмний өвлийн спортын наадмыг зохион байгуулах хорооноос тамирчин дасгалжуулагчид болон, гадна дотнын зочид, төлөөлөгчдөд наадамтай холбоотой мэдээллийг нэг дороос авах боломжийг бүрдүүлж www.erdenetsport.mn цахим сайтыг ашиглалтад оруулжээ.

         Тус сайтаас өвлийн спортын хоёр наадмын хөтөлбөр, ахуйн үйлчилгээний газар, дуудлагаар үйлчлэх хоолны газар, үйлчилгээний газруудын ажиллах цагийн хуваарь, эмнэлэг, эмийн сангийн мэдээлэл, тэмцээн зохион байгуулах гурван байршлын бүдүүвч зураг, зам талбай, чухал шаардлагатай утас дугаар гэх мэтчилэн бүхий л мэдээллийг авах боломжтой юм байна.