Дэлхийн бөхийн нэгдсэн холбооны чансааны оноо олгох эхний тэмцээн "Загреб Опен" тэмцээн хоёрдугаар сарын 1-5-ны өдрүүдэд Хорват Улсын нийслэл Загреб хотод боллоо. Манай улсаас тус тэмцээнд долоон бөх барилдснаас нэг алт, хоёр мөнгө, нэг хүрэл медаль хүртэв.

         Эрэгтэйчүүдийн 65 кг-ын жинд "Осло-2021" ДАШТ-ий хүрэл медальт ОУХМ Т.Тулга алтан медаль хүртэж төрийн дууллаа эгшиглүүлсэн. Харин 61 кг-д "Белград-2022" ДАШТ-ий хүрэл медальт ОУХМ Н.Наранхүү,  эмэгтэйчүүдийн 53 кг-д "Токио-2020" олимп, "Нур-Султан-2019" ДАШТ-ий хүрэл медальт гавьяат тамирчин Б.Болортуяа мөнгө, эрэгтэйчүүдийн 92 кг-д 23 хүртэлх насны ДАШТ-ий хүрэл медальт ОУХМ Г.Ганхуяг хүрэл медаль тус тус хүртлээ.