Шатрын 2023 оны насанд хүрэгчдийн улсын аварга шалгаруулах эрэгтэйчүүдийн 61, эмэгтэйчүүдийн 53 дахь удаагийн тэмцээний анхан шатны тэмцээн хоёрдугаар сарын 3-5-ны өдрүүдэд Сүхбаатар дүүрэгт байрлах "Дүүрэн" төвийн байранд болж өндөрлөлөө. Тэмцээний эрэгтэйчүүдийн ангилалд 167, эмэгтэйчүүдийн ангилалд 81 шатарчин швейцарь системээр есөн өрөг нүүж оюун ухаанаа уралдуулжээ.

        Эрэгтэйчүүдийн ангилалд Н.Содбилэгт, Б.Дүүрэнхишиг, Р.Энхбат, Б.Болд-Эрдэнэ, А.Дөлгөөн, эмэгтэйчүүдийн ангилалд Э.Төгстөгөлдөр, Г.Лхагважэд, Б.Буянхишиг, Э.Энхжин, А.Марал эхний таван байруудыг эзэлсэн байна. Тус тэмцээний эхний 30 байр эзэлсэн шатарчид ирэх гуравдугаар сард зохион байгуулагдах улсын аварга шалгаруулах хагас шигшээ шатны тэмцээнд оролцох эрх авчээ.