Жүдо бөхийн ДАШТ-ий хүрэл медальт, Монгол Улсын гавьяат тамирчин Өлзийбаярын Дүүрэнбаярын төрсөн өдөр тохиож байна. Тэрбээр армийн дэлхийн аварга, Азийн наадмын хоёр мөнгө, нэг хүрэл медальттай.  2014 оны залуучуудын ДАШТ-д түрүүлж, анх удаа залуучуудын ДАШТ-ий тэнгэрт Монгол Улсынхаа төрийн дууллыг эгшиглүүлсэн юм.

       Ө.Дүүрэнбаяр 2018 оны насанд хүрэгчдийн ДАШТ-ээс эрэгтэйчүүдийн +100 кг-д хүрэл медаль хүртэн, монгол түмнээ баярлуулж байлаа. Тэгэхдээ тэрбээр ДАШТ-ий хүрэл медалийн төлөөх барилдаанд олимп, дэлхийн аварга Чехийн алдарт жүдочин Лукас Крпалекийг ялж байсан юм.

          Ө.Дүүрэнбаяр чөлөөт цагаараа хөгжим тоглох дуртай, шаггүй авьяастай нэгэн юм билээ. Ялангуяа, гитар, төгөлдөр хуур тоглох бүр ч дуртай гэсэн. Мөн гадаад хэл сурах сонирхолтой. Ө.Дүүрэнбаяр Төрийн хошой шагналт Н.Жанцанноровын зохиосон аянуудыг ихэвчлэн тоглох дуртай гэнэ билээ. Гавьяат тамирчин Ө.Дүүрэнбаярт төрсөн өдрийн мэнд хүргэж, аз жаргал хүсье.