Монгол болон Япон улсын хооронд дипломат харилцаа тогтоосны 50 жилийн ойн хүрээнд Монголын тэшүүрийн холбоо нь Монгол Улсад анх удаагаа өргөн хүрээний томоохон хэмжээний “Тал нутгийн мөсөн шоу” хийх гэж байна. Тус шоу тоглолтыг Япон Улсын Тэшүүрийн холбоотой хамтран Улаанбаатар хотод “Степпе Арена” мөсөн ордонд энэ сарын 27-28-ны өдөр зохион байгуулагдан явагдана.

        Энэхүү шоуны найруулагчаар “Фауст”, “Гэм зэм” зэрэг жүжгээр монголын театрын урлагт шинэ салхийг салхилуулсан УДЭТ, “Орфей” театрын найруулагч М.Батболд, Дуурь бүжгийн эрдмийн театрын ерөнхий зураач, МУУГЗ Г.Ганбаатар нар хамтран ажиллаж байна. "Тал нутгийн мөсөн шоу" нь уран гулгалтын спортыг тайзны урлагтай хослуулан найруулж, мөнгөн мөсөн дээрх гайхамшигтай тоглолтыг хүргэж байна.