Олон улсын жүдо бөхийн холбоо (IJF)-ны энэ оны анхны гран при тэмцээн нэгдүгээр сарын 27-29-нд Португаль Улсын Алмада хотод болно. Манай улсаас залуу жүдочид зонхилсон эрэгтэй ес, эмэгтэй 10, нийт 19 тамирчин оролцохоор  эх орноосоо морджээ. Португалийн татамид таван тивийн 83 орны 580 жүдочин, эрэгтэй 344, эмэгтэй 236 тамирчин барилдах юм.

         Өнгөрсөн жил Алмадагийн гран при анх удаа зохион байгуулагдахад ОУХМ Б.Цогт-Очир 60 кг-д, Л.Анхзаяа 73 кг-д, А.Адъяасүрэн +78 кг-д хүрэл медаль хүртэж байв. Португалийн гран прид хүч үзэх монголын багийн эрэгтэйчүүдийн 60 кг-д Б.Сүхбат, Н.Мэндсайхан, 66 кг-д Л.Өнөболд, Б.Нямренчин, 73 кг-д Л.Анхзаяа, О.Уранбаяр, 81 кг-д Г.Болор-Очир, -100 кг-д Б.Гончигсүрэн, +100 кг-д О.Цэцэнцэнгэл нар хүч сорино.

        Эмэгтэйчүүдийн 52 кг-д М.Нандин-Эрдэнэ, Б.Уранзаяа, 57 кг-д О.Оюунчимэг, Т.Тэгшжаргал, 63 кг-д  Д.Есүй, Ц.Энх-Оргил, 70 кг-д Б.Ням-Эрдэнэ, -78 кг-д О.Хүслэн, Б.Эрдэнэт-Од, +78 кг: Д.Номинзул нар барилдах юм байна.