Оюутны универсиад 2023 наадам АНУ-д амжилттай үргэлжилж байна. Монгол Улсын снөүбоардын шигшээ багийн “Эхлэл” клубийн тамирчин, Г.Ганзориг Монгол Улсаас снөүбоардын төрөлд анхны тамирчин болж тэмцээндээ амжилттай оролцжээ. Энэ удаагийн универсиад 2023 наадмын “Parallel giant slalom” төрөлд нийт 33 тамирчин уралдсан байна.

            Манай тамирчин нийлбэр цагийн дүнгээр 23 дугаар байрт шалгарч, тэргүүлэгчээс 11 секундын зайтай зайтаагаар барианд оржээ.  Харин “Parallel Slalom”  төрөлд нийт 29 тамирчин уралдсанаас 24 дүгээр байрт шалгарсан байна. Анхны тэмцээн амжилттай болж их зүйл сурж мэдэн Монголын түүхэнд анх удаа снөүбоардын слалом төрөл дэлхийн түвшинд гарж уралдах боломжтойг баталж харуулж чаджээ.