“UNC-2023”-ын хүрээнд  монголын орчин үеийн таван төрөлтийн холбоо “LASER-RUN” буюу лазер буудлага, гүйлтийн тэмцээнийг зохион байгууллаа. Тэмцээнд эрэгтэй 55, эмэгтэй 24 тамирчин насанд хүрэгчид болон элит ангилалд аваргаа тодруулав. Эрэгтэйчүүдийн элит ангилалд хилийн цэргийн 0303 ангийн ахлагч спортын мастер Э.Төртогтох түрүүлсэн байна.

            Харин  зэвсэгт хүчний “Алдар” спорт хорооны ахлагч спортын мастер Г.Одхүү мөнгө, ОБЕГ-ын газрын “Аврагч” спорт хороо, Үндэсний аврах бригад аврагч, дэд ахлагч Б.Эрдэнэбат хүрэл медаль хүртжээ. Эмэгтэйчүүдийн элит ангилалд ЦЕГ-ын мөрдөн байцаах алба, цагдаагийн ахмад, ОУХМ Б.Мөнгөнтуяа тэргүүн байр эзэлж, ОБЕГ-ын  “Аврагч” спорт хорооны ахлах дэслэгч буудлагын ОУХМ Т.Баярцэцэг, хилийн цэргийн 0303 ангийн дэслэгч Б.Батчимэг нар удаалсан байна.

          Насанд хүрэгчдийн ангилалд эрэгтэйчүүдээс “Ирвэс” клубийн тамирчин Г.Одбаяр алтан медаль хүртсэн бол ХХЕГ-ын 0208 тусгай салбарын гэрээт тамирчин спортын мастер Э.Бадамгарав, “976 кроссфит” клубийн тамирчин Н.Өвгөнхүү мөнгө хүрэл медалийг хүртжээ.

        Эмэгтэйчүүдээс насанд хүрэгчдийн ангилалд “976 кроссфит” клубийн тамирчин А.Надмидсүрэн түрүүлж, МИР МЕБЕЛЬ ХХК-ийн тамирчид Н.Шинэмөрөн, Н.Номин нар удаалсан байна.  “LASER-RUN”  төрөлд тамирчид урьдчилсан шатанд 1500 м гүйсэн бол финалын шатанд гурван мянган метр гүйж, арван метрийн зайд лазер буудлага хийн өрсөлджээ.