"БОЛД" сангийн нэрэмжит 2023 оны цомын аварга шалгаруулах хоккейн тэмцээн Дархан хотноо нээлтээ хийлээ. "Болд" сангаас найм дахь жилдээ энэхүү тэмцээнийг уламжлал болгон зохион явуулж хоккейн спортыг дэмжин ажиллаж байна. Тэмцээнд нийт долоон баг оролцож байгаагаас тав нь Дархан хотын баг байна.  Тус тэмцээнд ОУХМ тав, спортын мастер цолтой 25 шилдэг тамирчид хурд хүчээ сорин өрсөлдөж байгаа аж. Мөн АНУ-ын гурван тамирчин оролцож байгаагаараа онцлогтой байна. Тэмцээний аваргууд маргааш энэ сарын 22-ны өдөр тодорч, хаалтын ажиллагаагаа зохион байгуулна.