Сэлэнгэ аймгийн Мандал сум Зүүн Хараагаас нэг жаахан охин сагсан бөмбөг сурахаар Улаанбаатарт ирж байлаа. Тэр охин бол өнөөгийн ОУХМ Бат-Эрдэнийн Ариунцэцэг юм. Харин өнөөдөр тэрбээр тив, дэлхийд танигдсан мундаг сагсчин болж чадсан байна.  “MGL3x3”-ын гэр бүлд орж Монголын эмэгтэй сагсан бөмбөгийн нэр хүндийг олон улс, тив, дэлхийд гаргаж явна.

        ОУХМ Б.Ариунцэцэг “FISU 3x3” 2022 оюутаны дэлхийн аварга шалгаруулах тэмцээний хүрэл, “FIBA 3x3” 2018 залуучуудын ДАШТ-ий тавдугаар байр, “FIBA 3x3”   national league 2019 тэмцээний Ази Африк бүсийн аварга юм. Өнөөдөр төрсөн өдөр нь тохиож буй ОУХМ Батэрдэнийн Ариунцэцэгт шинэ онд олон, олон амжилтын эзэн болох ерөөлийг хүсье.